குய்மெட் அருங்காட்சியகம் (Guimet Museum), பிரான்சு நாட்டின் பாரீஸ் நகரத்தில் உள்ளது. பிரான்சு நாட்டின் காலனிய நாடுகளில், குறிப்பாக ஆசியாவில் கிடைத்த தொல்லியல் கலைப் பொருட்கள் இங்கு காட்சிப்படுத்தப்பட்டுள்ளது.
பிரான்சு நாட்டின் தொழிலபதிபர் எமிலி எட்டினே குய்மெட் என்பவரால், குய்மெட் அருங்காட்சியகம் 1879ல் முதலில் லியோன் நகரத்தில் நிறுவப்பட்டது. பின்னர் இவ்வருங்காட்சியகம் பிரான்சு நாட்டின் தலைநகரான பாரீஸ் நகரத்திற்கு 1889ல் மாற்றப்பட்டது.
1876ல் பிரான்சு நாட்டு அரசால் எமிலி எட்டினே குய்மெட், பிரான்சு நாட்டின் காலனியாதிக்க நாடுகளில் சுற்றுப்பயணம் மேற்கொண்டார். குய்மெட், தெற்காசியா, தென்கிழக்கு ஆசியா மற்றும் தூரகிழக்கு ஆசிய நாடுகளான ஜப்பான், சீனா போன்ற நாடுகளில் பயணித்து, அந்தந்த நாடுகளில் கிடைத்த தொல்லியல் கலைப்பொருட்களை சேகரித்து, அவைகளை தனது குய்மெட் அருங்காட்சியகத்தில் காட்சிப்படுத்தினார.
மேலும் ஆப்கானித்தான் அருங்காட்சியகம் மற்றும் கிரேக்க பாக்திரியா, இந்தோ சிதியன் பேரரசு காலத்திய அரிய தொல்லியல் கலைப்பொருட்களை இவ்வருங்காட்சியகத்தில் காட்சிப்படுத்தப்படுத்தப்பட்டுள்ளது.
விக்கிமீடியா பொதுவகத்தில் Musée Guimet என்னும் தலைப்புடன் தொடர்புடைய பல ஊடகக் கோப்புகள் உள்ளன. |