கெய்ரோ பன்னாட்டு வானூர்தி நிலையம் (Cairo International Airport, (ஐஏடிஏ: CAI, ஐசிஏஓ: HECA), அராபிக்: مطار القاهرة الدولي; Maṭār al-Qāhirah al-Duwaliyy) கெய்ரோவிலுள்ள பன்னாட்டு வானூர்தி நிலையம் ஆகும்; இது எகிப்தின் போக்குவரத்து மிகுந்த வானூர்தி நிலையமாகவும் உள்ளது. எகிப்துஏர், எகிப்துஏர் எக்சுபிரசு போன்ற பல வான்வழிச் சேவை நிறுவனங்களுக்கு அச்சுமையமாக விளங்குகின்றது. இந்த வானூர்தி நிலையம் நகரத்தின் வணிகப் பகுதியிலிருந்து வடகிழக்கில் கிட்டத்தட்ட 15 கிலோமீற்றர்கள் (9.3 mi) தொலைவில் அமைந்துள்ளது. இது ஏறத்தாழ 37 சதுர கிலோமீற்றர்கள் (14 sq mi) பரப்பளவில் கட்டமைக்கப்பட்டுள்ளது. ஆபிரிக்காவில் ஜோகானஸ்பேர்க்கின் ஓ. ஆர். டாம்போ பன்னாட்டு வானூர்தி நிலையத்திற்கு அடுத்ததாக, இரண்டாவது மிக நெருக்கடிமிக்க வானூர்தி நிலையமாக விளங்குகின்றது.
