மஞ்சள் மலைகள் அல்லது குவாங்சான் (Huangshan அல்லது Yellow Mountains; எளிய சீனம்: ; மரபுவழிச் சீனம்: 黃山; பின்யின்: ), என்பது கிழக்கு சீனாவின் தென் அன்ஹுயி மாகாணத்தில் உள்ள ஒரு மலைத் தொடர் ஆகும். இத்தொடர் பகுதியில் உள்ள தாவர வளர்ச்சிச் செறிவு 1,100 meters (3,600 ft) இற்குக் கீழும் மரங்களின் வளர்ச்சி 1,800 meters (5,900 ft) என்ற அளவிலும் காணப்படுகிறது.
இப்பபகுதி இயற்கைக்காட்சி, சூரிய மறைவு, விசித்திரமாக வடிவ கருங்கல் உச்சிகள், குவாங்சான் ஊசியிலை மரங்கள், வெந்நீர் ஊற்றுகள், குளிர்காலப் பனி, மேலிருந்து பார்க்கக்கூடிய மேகக் காட்சிகள் போன்றவற்றுக்காக நன்கு அறியப்படுகிறது. மஞ்சள் மலைகள் பாரம்பரிய சீன ஓவியம், இலக்கியம் ஆகியவற்றுடன் தற்கால் ஒளிப்படவியல் போன்றவற்றின் விடயப் பொருளாகவுள்ளது. இது ஐக்கிய நாடுகள் கல்வி, அறிவியல், பண்பாட்டு நிறுவனத்தின் உலகப் பாரம்பரியக் களமாகவும், சீனாவின் முக்கிய உல்லாசப் பயண இடங்களில் ஒன்றாகவும் உள்ளது.
மஞ்சள் மலைகள் கிட்டத்தட்ட 100 மில்லியன் ஆண்டுகளுக்கு முன் உருவாகி தனித்துவமான மலை அமைப்பைப் பெற்றது.
சின் அரசமரபு காலத்தில், இது யிசான் (ஜி மலை) என அழைக்கப்பட்டது. கி.பி. 747 இல், குவாங்சான் (அதாவது மஞ்சள் மலைகள்) அல்லது குவாங் மலை எனப் பெயர் பேரரசினால் பெயர் மாற்றம் பெற்றது. இப்பெயர் முக்கிய சீனப் பேரரசரும், ஹான் சீனரின் புராணப் பரம்பரையைச் சேர்ந்த குவாங் டிக்கு (மஞ்சள் பேரரசர்) புகழ் கொடுப்பதற்கான அமைந்தது. குவாங்சானிலிருந்துதான் குவாங் டி பேரரசர் வானுலகுக்கு ஏறினார் என்ற ஒரு கதையும் உள்ளது. இன்னொரு கதை மஞ்சள் பேரரசர் மலைகளில் அறநெறித்தன்மையும் சுத்திகரிக்கப்பட்ட இறவாமை மாத்திரைகயும் பயிரிட்டார், ஆகவே அம்மலைகளுக்கு அவரது பெயரை கொடுக்கப்பட்டது என்கிறது. குவாங்சான் (மஞ்சள் மலைகள்) என்ற பெயர் முதன்முதலில் சீனப் புலவர் லி பையினால் பயன்படுத்தப்பட்டது. ஆரம்பத்தில் இம்மலையைப் பற்றி சிறிதளவே அறிந்திருந்ததோடு, அநேகமாக யாரும் இதனை அணுகுவதில்லை. ஆனாலும், கி.பி. 747 இல் பெயர் மாற்றம் பெற்றதும் இப்பகுதிக்கு அதிக முக்கியத்துவம் கிடைக்கப்பட்டதிலிருந்து இன்று வரை அதிகமானோரால் பார்க்கப்படுவதோடு, பல கோயில்களையும் கொண்டுள்ளது.
மஞ்சள் மலைகளின் பக்கங்களில் செதுக்கப்பட்டுள்ள அதன் கற்படிகளினால் அறியப்பட்டது. இவை 60,000 இற்கும் அதிகமாக இப்பகுதிகளில் இருக்கலாம் என் நம்பப்படுகிறது. படிகள் அமைக்கப்பட்ட காலம் தெரியாதுள்ள போதிலும், 1,500 வருடங்களுக்கு மேல் பழமையானது எனக் கூறப்படுகிறது.
பல ஆண்டுகளாக, இம்மலையின் மீது கண்ணுக்கினிய இடங்களும் மற்றும் பௌதீக அம்சங்களும் பெயரிடப்பட்டுள்ளன. உதாரணமாக, ஒரு கதை இவ்வாறு கூறுகிறது: இம்மலையின் அழகு பற்றிய கதையை நம்பாத ஒருவர், அதைப் பார்ப்பதற்காக அங்கு சென்றார். உடனடியாக அவர் மலையின் அழகு பற்றிய கதையை நம்பினார். அவர் சென்ற மலை உச்சி ஒன்றுக்கு "சிக்ஸ்சின்" (Shixin; 始信) என்று, அதாவது "நம்ப ஆரம்பித்தல்" என்ற பெயரிடப்பட்டது.
1982 இல், சீன மக்கள் குடியரசின் அரச மன்றத்தினால் இம்மலை "கண்ணுக்கினிய அழகின் இடமும், வாரலாற்று ஆர்வமிக்கதும்" என அறிவிக்கப்பட்டது. இம்மலை அதன் கண்ணுக்கினிய தோற்றம், அச்சுறுத்தலுக்குள்ளாகியுள்ள அருகிய இனங்களின் வாழ்விடமாக இருத்தல் ஆகியவற்றுக்காக யுனெஸ்கோ உலக பாரம்பரியக்களம் என 1990 இல் பெயரிடப்பட்டது.
2002 இல், மஞ்சள் மலைகள் "சுவிஸ் அல்ப்சின் யுங்பிராவின் சகோதர மலை" எனப் பெயர் பெற்றது.
விக்கி ஊடக நடுவத்தில்:
()
|