நெவிசு (Nevis) கரிபியக் கடலிலுள்ள சிறிய தீவாகும்; லீவர்டு தீவுகளின் உட்புற வளைவில் இது அமைந்துள்ளது. நெவிசும் அருகிலுள்ள செயிண்ட் கிட்சு தீவும் இணைந்து ஒரே நாடாக உள்ளது: செயிண்ட் கிட்சும் நெவிசும் கூட்டரசு. சிறிய அண்டிலிசு தீவுக்கூட்டத்தின் வடமுனையில் நெவிசு அமைந்துள்ளது. புவேர்ட்டோ ரிக்கோவிலிருந்து கிழக்கு-தென்கிழக்கு திசையில் ஏறத்தாழ 350 கிமீ தொலைவிலும் அண்டிக்குவாவிற்கு மேற்கே ஏறத்தாழ 80 கிமீ தொலைவிலும் அமைந்துள்ளது. இதன் நிலப்பரப்பு 93 சதுர கிலோமீற்றர்கள் (36 sq mi) ஆகும். இதன் தலைநகரம் சார்லசுடவுண்.