யமுசோக்குரோ சமாதானத்தின் அன்னை பசிலிக்கா (Basilica of Our Lady of Peace of Yamoussoukro; பிரெஞ்சு: Basilique Notre-Dame de la Paix de Yamoussoukro) என்பது கோட் டிவாரின் (ஐவரி கோஸ்ட்) நிருவாக தலைநகர் யமுசோக்குரோவில் அமைந்துள்ள, சமாதானத்தின் அன்னைக்கு அர்ப்பணிக்கப்பட்ட உரோமன் கத்தோலிக்க சிறு பசிலிக்கா ஆகும். இப்பசிலிக்கா $300 மில்லியன் செலவில் 1985 முதல் 1989 வரையான காலப்பகுதியில் கட்டப்பட்டது. இதன் குவிமாடம் மற்றும் கட்டிட முன்றில் சுற்றுவட்டம் என்பவற்றின் வடிவமைப்பு வத்திக்கான் நகரிலுள்ள புனித பேதுரு பேராலயம் வடிவமைப்பை தெளிவாக உட்கொண்டிருப்பினும் அதன் பிரதியாக இல்லாது அமைந்துள்ளது. இதன் முலைக்கல் 10 ஆகத்து 1958 அன்று வைக்கப்பட்டு, திருத்தந்தை இரண்டாம் அருள் சின்னப்பரால் 10 செப்டம்பர் 1990 அன்று தீக்கை செய்யப்பட்டது.