சிகரக் கோபுரம் (Peak Tower) என்பது ஹொங்கொங், ஹொங்கொங் தீவில் உள்ள ஒரு சுற்றாலா பயணிகளையும், உள்ளூர் உல்லாசப் பயணிகளையும் கவரும் ஒரு இடமாகும். இந்த கோபுரம் கடல் மட்டத்தில் இருந்து 396 மீட்டர்கள் உயரத்திலும், அதேவேளை விக்டோரியா சிகரத்தில் இருந்து 156 மீட்டர்கள் கீழும் ஒரு முனையில், ஒரு செங்குத்தான பள்ளத்தாக்கை நோக்கி கட்டப்பட்டுள்ளது. இந்த சிகரக் கோபுரத்தின் வான்மாடியில் இருந்து பார்த்தால், விக்டோரியா சிகரத்தின் இயற்கை பசுமை அழகையும், கீழே பள்ளத்தாக்கில் ஆயிரக்கணக்கான வானளாவிகளின் செயற்கை அழகையும் ஒருசேரக் காணலாம். அதுவும் இரவு நேரக் காட்சி காண்போரை கொள்ளைக்கொள்ள வைப்பதாகும். இந்த கோபுரம் சிறப்பாக ஹொங்கொங் வரும் சுற்றுலாப் பயணிகளை ஈர்ப்பதற்கென்றே கட்டப்பட்ட ஒரு அழகியக் கட்டமாகும். அத்துடன் இந்த கோபுரத்திற்கு செல்வதற்கென சிறப்பு சிகர டிராம் வண்டி சேவை ஒன்றும் உள்ளது. அது செங்குத்தாகச் செல்லும் கம்பிதடம் டிராம் வண்டிச்சேவை வகையைச் சேர்ந்ததாகும். இந்த சிகரக் கோபுரத்திற்கான பயணத்தை மேற்கொள்வோர், அநேகமாக "சிகர டிராம் வண்டி" பயணத்தின் ஊடாகவே செல்வர். எனவே இந்த இரண்டு விடயங்களும் ஹொங்கொங் வரும் சுற்றுலா பயணிகளை ஈர்ப்பவைகளாகும். அத்துடன் சுற்றுலா பயணிகளை ஈர்ப்பதற்கான வேறுபல விடயங்களும் இந்த சிகரக் கோபுரத்தின் உள்ளே உள்ளது.
இந்த சிகரக் கோபுரம் மற்றும் சிகர டிராம் வண்டி சேவை இரண்டிற்குமான உரிமை ஹொங்கொங் மற்றும் சங்காய் உல்லாசகக் குழுமத்தினர் ஆகும். இந்த இரண்டுக்குமான பொது பெயராக "The Peak" என்று அழைக்கப்படுகின்றது.
1881களில் அலெக்சாண்டர் பைண்ட்லே இசுமித் என்பவருக்கு, தற்போது சிகரக் கோபுரம் கட்டப்பட்டிருக்கும் இடத்தில் "சிகர உல்லாசகம்" என ஒரு உல்லாசகம் இருந்தது. இவரே கம்பிதடங்களில் செங்குத்தாகச் செல்லும் டிராம் இரயில் வண்டி சேவையை ஹொங்கொங்கில் அறிமுகப்படுத்தியராவர். அக்காலக்கட்டத்தில் இந்த டிராம் இரயில் வண்டி பாதை மற்றும் நிறுத்தகத்தை கட்டிமுடிப்பதற்கு மூன்று ஆண்டுகள் பிடித்துள்ளன. இந்த கட்டுமாணப் பணிகளுக்கு தேவையானப் பொருற்களையும் இயந்திர உதவிகள் இன்றி, தொழிலாளர்களின் கடினமான உடல் உழைப்பின் ஊடாகவே மேலே எடுத்துவரப்பட்டுள்ளன. அவ்வாறு கட்டப்பட்ட முதல் நிறுத்தகம் மரப்பலகைகளினால் ஆனதாகும். The Peak Tram was opened for public service on 28 May 1888 by the then Governor Sir George William des Voeux. அதன் பின்னர் 1972 ஆம் ஆண்டுகளில்
விக்கிமீடியா பொதுவகத்தில் சிகரக் கோபுரம் தொடர்புடைய பல ஊடகக் கோப்புகள் உள்ளன. |